ဗကသ ဖွဲ့စည်းခြင်း (၇၇)နှစ်ပြည့် နှစ်ပတ်လည် အခမ်းအနားသို့ သမဂ္ဂ ဗဟိုအလုပ်အမှုဆောင်များ တက်ရောက်

ရန်ကုန်-ယနေ့ မေလ(၁၀)ရက်နေ့တွင် ကျရောက်သော ဗမာနိုင်ငံလုံးဆိုင်ရာကျောင်းသားများသမဂ္ဂ (ဗကသ) ဖွဲ့စည်းခြင်း (၇၇)နှစ် ပြည့် အထိမ်းအမှတ် ခေတ်အဆက်ဆက် ဗကသ မျိုးဆက် များ တွေ့ဆုံပွဲ အခမ်းအနားသို့ ရမည်းသင်းနည်းပညာတက္ကသိုလ် ကျောင်းသားများသမဂ္ဂ မှ ဗဟိုအလုပ်..အမှုဆောင်(၃)ဦးတက်ရောက်ခဲ့သည်။ အခမ်းအနားတွင် ခေတ်အဆက်ဆက်က ကျောင်းသားလှုပ်ရှားမှုများတွင် ဦးဆောင်ခဲ့ကြသည့် ဗကသ မျိုးဆက်ကျောင်းသားကြီးများမှ ၎င်းတို့၏ ကျောင်းသားဘ၀ ဖြတ်သန်းတွေ့ကြုံရပုံများကို အကျယ်တ၀င့် ရှင်းလင်း ပြောကြားသွားခဲ့ပြီး မျိုးဆက်သစ် ဗကသ ကျောင်းသားများ နှင့် ရင်းနှီး ပွင့်လင်းစွာ ဆွေးနွေးခဲ့ကြသည်။ အခမ်းအနားသို့ ရမည်းသင်းနည်းပညာတက္ကသိုလ်ကျောင်းသားများသမဂ္ဂ ကိုယ်စားလှယ်များအဖြစ် ဥက္ကဋ္ဌ၊ ဒုဥက္ကဋ္ဌ နှင့် အတွင်းရေးမှူး တို့ တက်ရောက်ခဲ့ကြသည်။ သတင်းနှင့်ပြန်ကြားရေး နည်းပညာတက္ကသိုလ်ကျောင်းသားများသမဂ္ဂ ရမည်းသင်း။ မေလ(၁၀)ရက်၊ ၂၀၁၃ခုနှစ်။